0
0
ગુજરાત ભૂમિ, ડાંગ
ડાંગ જિલ્લાની ભાતીગળ લોક સંસ્કૃતિને ઉજાગર કરતાં ‘ડાંગ દરબાર’ના ઐતિહાસિક લોકમેળાના આયોજનની તારીખ સંદર્ભે આજરોજ જિલ્લા પંચાયત કચેરીના સભાખંડમા, ડાંગ જિલ્લા કલેક્ટર રાજ સુથારના અધ્યક્ષ સ્થાને ડાંગ દરબાર-૨૦૨૫ના આયોજન અંગેની એક બેઠક યોજાઇ હતી. આગામી મહિનાની સંભવિત તા.૮ થી ૧૨ માર્ચ ૨૦૨૫ સુધી, હોળી પહેલા ડાંગ દરબારના મેળાનું આયોજન કરવા અંગે ચર્ચા કરવામાં આવી હતી.
ઉલ્લેખનીય છે કે, ડાંગ દરબારનો મેળો પરંપરાગત રીતે દર વર્ષે યોજવામા આવે છે. આ મેળો હોળીના પાંચ દિવસ પહેલા યોજવામા આવે છે. ડાંગ દરબારનુ ઉદ્ધાટન માન.રાજ્યપાલના હસ્તે કરવામા આવે છે. રાજ્યપાલ દ્વારા ડાંગ જિલ્લાના પાંચ રાજવીઓનુ સન્માન કરવામા આવે છે. જિલ્લા પંચાયતના સભાખંડમા યોજાયેલ બેઠકમા નાયબ દંડક વિજયભાઇ પટેલ, જિલ્લા પંચાયત પ્રમુખ શ્રીમતી નિર્મળાબેન ગાઇન, રાજવી તપતરાવ આનંદરાવ દહેર, ભવરસિંગ હસુસિંગ લીંગા, ધનરાજસિંહ ચંદ્રસિંહ વાસુર્ણા, ત્રીકમરાવ સાહેબરાવ પીંપરી, તેમજ આહવા તાલુકા પંચાયત પ્રમુખ સુરેશભાઇ ચૌધરી, આહવા ગ્રામ પંચાયતના સરપંચ હરિચંદભાઇ ભોયે, ઉપ સરપંચ હરિરામભાઇ સાવંત, સહિત ઇન્ચાર્જ અધિક નિવાસી કલેક્ટર મેહુલ ખાંટ, પ્રાંત અધિકારી સુ. કાજલ આંબલીયા, નાયબ પોલીસ અધિક્ષક સુનિલ પાટીલ, અધિક જિલ્લા આરોગ્ય અધિકારી ડો. હિમાંશુ ગામિત, આહવા મામલતદાર યોગેશ ચૌધરી, ચૂંટણી ઇન્ચાર્જ મામલતદાર મિનેશ ગાયકવાડ, મદદનિશ વન સંરક્ષક સર્વે રાહુલ પટેલ, હાર્દિક ચૌધરી સહિતના અધિકારીઓ ઉપસ્થિત રહ્યા હતા.
